Italien 2016

 

Et ass nees sou wäit, de Folklor geet ‘on Tour’,
Mat der "Association Italo-Luxembourgeoise Dudelange-Bettembourg".

 

Op Päischtméinden; mir all hunn an der Schossel e Rass,
well moies fréi um 4 geet eis Rees scho lass.
VIVA ITALIA, mir kommen, mir si prett,
och wa mir sou fréi hu missen aus dem Bett!
Kuerz drop am Elsass gëtt deen éischte Maufel geholl,
do wosst nach keen, dat eise Mo wäert sinn dauernd voll.
 

Eis éischt Etapp ass Mailand, et huet ee laang am Bus gesiess,
dofir si mir knapps do an et gett direkt nees eppes giess.
De Bus gouf gewiesselt, den Alfio mam Cowboyhutt eis présentéiert,
Dono visite guidée, gemittlech mam Bus duerch Mailand kutschéiert.
De Mailänder Doum " Santa Maria" gëtt besicht,
och kulturelle Programm ass jo Flicht.
An der Krypta, alles ass roueg, bis em Domenico säin Handy schellt,
d'Alice ass och ukomm, hatt war et wat sech huet gemellt.
 
An d'Truecht gehäit gouf sech am Bus, ganz séier,
midd vun der Rees, stunge mir trotzdeem am Spaléier.
Eisen éischten Optrëtt war programméiert,
just de Wiert huet dat gestéiert.
 
Dono gouf am Hotel agecheckt,
den Dësch fir eis, war scho gedeckt.
Anti-Pasti, Primi, Secondi,
Zaloten, Fësch, Geméis an och Spaghetti.
 
Zweet Etapp via Lignano beim Mare,
Hotel Palace, super schéin, et kritt ee Loscht ze cantare.
Eisen Optrëtt zu Lignano, war schlecht annoncéiert,
nëmmen e puer Leit sin do promenéiert.
Am Public waren der zwar net vill, mee dofir begeeschtert a gudd lass,
D'Méiwen hu vu Freed souguer op eis Dänzer geschass.
 
Mëttwochs moies ass eis Fräizäit vergonnt,
d'Edmée dat et net erwaarden konnt.
Hatt stëppelt a praalt:" Moies um 7 sin ech am Mier!"
Mee wou et du goung driwwer hier,
Hu just d’Nicole a de Josy sech an d'Mier gewot;
dem Edmée huet dat d‘Schudderen de Réck erofgejot.
 
An, natierlech, net vergiessen,
Iessen, iessen, iessen!!
Mir waren all iwwerrascht,
vun deem super gudde Kascht.
Owes gouf de Menü fir den Dag dropp bestaĺlt,
mee mir hu jo all kee Verhalt.
 
An um Dësch gouf gerätselt a gezielt,
"Hues du elo Fësch oder Fleesch gewielt?"

No der Visite vu Morano, gi mir op "d'Schëff Saturno" geschéckt.
Souguer de Liebesgott Amor huet eise Club begléckt.
Zwee Häerzer hu sech font, eng Koppel huet sech forméiert.
De Josy an de Gilbert hun eng richteg opgeféiert.
 
Mam Schëff duerch d'Kanäl, bis bei dem Adriano seng Cabane.
wou een d'Familljeproduktioun ukuerbele kann.
Beim Holzfeier goufe Spaghetti, Sardinnen a Kuch opgedëscht.
Dono, bei Guitar an Trompett, ginn d'Kenntnisser vum italienesche Schlager opgefrëscht.
Et gouf gedanzt, bis spéit an d'Nuecht,
och den Domenico huet e flotte Walzer fäerdeg bruecht!
 

Dono nees op d'Schëff Richtung Lignano an d'Lagun,
mee, OH SCHRECK, mir jo e Patient mat u Bord hun!
Den Albert ziddert, et ass him ferm kal,

3 Infirmièren heen emsuergen, hien kritt d'Hännche gehal.

 
Et ass alles gudd ausgaang, mir sin all driwwer frou,
den Dag drop konnte mir Veneedeg genéissen an aller Rou.
Gro Wolléken hun eis do empfaang,
wou mir „ en groupe" sin op d'Piazza San Marco gaang.
Visite guidée mam parapluie,
dat war leider net esou cosy.
Mëttes, op eege Fauscht, duerch Veneedeg oder op e Maart,
an owes op déi onpünktlech Matreesend gewaart.
 
Op Spilimbergo huet et eis den Dag drop gezunn,
Visite vu Kierch an Duerf, souguer e Schlass, dat ass net gelunn.
Mee d’Schlass hu mir nie gesinn, do huet d’Gléck eis verlooss,
Ah nee, falsch: de Probleem war, et huet jidderengem gedréckt op d’Blos.
 
Mam italienesche Jangli duerch d’Vallée Valentina gefuer,
och do goufen mir eng hellewull Informatioune gewuer.
An dann erëm e super Iessen mat guddem Wäin,
„Wat ass dat schéin an eisem Veräin“!
 
Dono bei eis Frënn op Flaibano, de Rendez-vous ass ganz offiziell,
vum Buergermeeschter Luca Picco empfaang, frëndlech, ouni zevill Zeremoniell.
Zum Ofschloss vum Dag nach e grousst Fest bei der Villa Manin,
do duerfte mir och nach dobäi sinn.
E Fest organiséiert vun alle Regiounen,
10.000 Leit gin erwaart;“ do wäert en Optrëtt sech lounen“!
 

„Sur Place“ sicht den Eugène no der Bühn: danze mir op der Wiss oder bei den Trommelen?

Musse mir eis Dänz ëmschreiwen; musse mir eis méi tommelen?
Mir danze pünktlech, de „Folk on Tour“,
Et sin keng Leit do, mee d’Mécke goufe vun eisem Optrëtt gewuer.

Souvill Mécken, d’Marie-Jeanne gëtt duerjerneen, jo ganz,
hatt kusst a kusst a vergësst dobäi den Danz.
Dono schnell, um Stand vu Flaibano, e Patt geholl an Éieren,
de Bus waart ongedëlleg, fir eis an d’Hotel zeréckzeféieren.

 
Mee wat maache mir do? „ Solle mir beim Hotel danzen?“
„Ah jo, ech hunn extra e neit Hiem un,  do mech net granzen!“
Et gouf net gedanzt, d’Diskussioun koum op en Enn,
soss hätte mir am Restaurant näischt méi kritt, tëschend d’Zänn.
 
D’Heemrees steet un, mir fueren nach op Sirmione op de Séi,
eng lescht Visite, gudd Wieder, wat wëlle mir méi?
Mir sinn, wéi sou oft, „ en retard“,
d’Guidin waard bei der Schlasspaart.
Hatt huet e schnellen Tempo drop,
sou huele mir d’Verspéidung rëm op.
D’Maria-Callas-Villa visitéieren?,
oder shoppen an duerch d’Buttiker flanéieren?
Eppes awer war gudd, den Zäitdrock huet dozou geféiert,
dass de Porte-Monnaie net gouf strapazéiert.
 






De leschte gemeinsamen Owend, et geet sou lues zum Schluss,
den Domenico krut en häerzleche Merci an den obligatoreche Kuss.
 
Vun enger schéiner Rees, war dat de Résumé,
als spezielle Merci vun eis zwee.


Germaine a Mike
 
Bildergebnis für tanzen